यस अवस्थामा ल्याई पुर्याउन अतुलनीय योगदान पुर्याउनु हुने महानुभावहरु तथा संघसंस्थाहरु प्रति यस विद्यालय ऋणी छ र यहाँहरुको अमूल्य योगदानप्रति आभार प्रकट गर्न चाहान्छ । सरोकारवालाहरु कै सहभागितामा निर्मित यस योजनामा राखिएका विविध कार्यक्रम सम्बन्धित सरोकारवाला व्यक्तिहरु संघसंस्थाहरु र निकायहरुको सहभागितामा सम्पन्न भई विद्यालयले गुणात्मक फड्को मार्ने कुरामा हामी विश्वस्तछौं । यस योजनाको सफलकार्यान्वयनले विद्यालयको साधारण तथा प्राविधिक धारतर्फको पठनपाठनमा गुणात्मक सुधार भई नमुना विद्यालयको आधार समेत प्रदान हुनेमा कुनै शङ्का छैन ।
यसै सन्दर्भमा यस विद्यालयले विभिन्न सहयाेग अभियान मार्फत विद्यालयको समग्र अवयवहरुलाई सन्तुलित र समानुपातिक रुपमा विकास गर्ने प्रतिबद्धताको साथै अघि बढेकोले यस अभियानमा सरिक भई आर्थिक, नैतिक, भौतिक सहयोग गरिदिनु हुन आम अभिभावकज्यूहरु, पूर्व विद्यार्थीहरु, शिक्षकहरु स्टाफहरु स्थानीय सरकार एवम् आमसरोकारवालाहरु समक्ष विद्यालय व्यवस्थापन समिति अरूणाेदय मा.वि. हार्दिक स्वागत गर्दछ ।
