छानबिनलाई गज्जबको ‘क्लु’
विभागका महानिर्देशक कुमार दाहाल नेतृत्वको छानविन समितिले कतारमा नेपाली श्रमिक पठाउने काममा १७ वटा म्यानपावरले सिन्डिकेट खडा गर्न खोजेकोबारे प्रतिवेदन लेख्दै गरेको बेला विभागले तिनवटा म्यानपावरमा छापा मारेको हो ।
स्रोतका अनुसार, ‘चर्चा गरिएजस्तो सिन्डिकेट लाद्न खोजेको देखिँदैन’ भनेर प्रतिवेदनमा निष्कर्षमा लेखिँदै थियो । तिन म्यानपावर कम्पनीमा छापा मारेपछि प्रतिवेदनको निष्कर्ष बदलिने अवस्था आएको छ ।
कात्तिक २४ गते संसदको उद्योग तथा वाणिज्य र श्रम तथा उपभोक्ता हित समितिले सरकारलाई कतारको रोजगारीमा सिन्डिकेट लाद्न खोजिएकोबारे अनुसन्धान गरेर प्रतिवेदन बनाउन श्रम, रोजगार तथा समाजिक सुरक्षा मन्त्रालयलाई निर्देशन दिए अनुसार २५ गते समिति बनेको थियो ।
